Hitzez-ek Berdintasunerako Emakunde Saria jasoko du

Emakunde Sariko epaimahaiak Arabako Landa Eremuko Emakumeen Sarea eta Hitzez Baserriko Emakumeen Elkartea saritu ditu aurten. Epaimahaiak landa eremuan emakumeen eskubideen eta berdintasunaren aldeko lanak aurkitzen dituen zailtasun eta oztopo bereziak kontuan izanda eman die saria. Epaimahaiaren iritziz, bi entitateek garrantzia eman diote elkartze lanari eta honek lagundu die berdintasun ezaren kontzientzia hartzeko prozesua abiatzen, banako eta talde modura indartzen eta baita euren eragin soziala handitzen.

Honekin batera Epaimahaiak azpimarratu du sarean eta beste entitate eta elkarte batzuekin elkarlanean egindako bidea landa eremuko emakumeen eskubideak aldarrikatzeko, bereziki emakumeen titulartasuna ustiategi eta nekazal produkzioetan eta duela gutxi onartua izan den Landa Eremuko Emakumeen Estatutuan parte hartzean.

Sari honen bitartez, Epaimahaiak landa eremuan lan egiten duten emakume guztiei egin nahi die aitortza, kontuan izanik egiten duten ekarpena landa eremuen mantentze lanean, bertan bizi diren pertsona guztien bizi kalitatean eta beraien eredu jasangarriago baten alde. Honekin batera, sariaren bitartez ikustarazi nahi da emakume eta gizonen berdintasunaren aldeko lana bizitzako arlo guztietan ematen dela.

Prentsaurrekoaren bideoa ikusteko: http://www.irekia.euskadi.eus/eu/news/29943-red-mujeres-del-medio-rural-araba-asociacion-mujeres-rurales-hitzez-recibiran-premio-emakunde-igualdad

Urola Kostako Hitza: http://urolakosta.hitza.eus/2015/12/11/berdintasunerako-emakunde-saria-eman-diote-hitzez-elkarteari/